Shënohet viktima e parë nga koronavirusi në vend.
Bëhet fjalë për të moshuarën që ishte shtruar në spitalin infektiv në Durrës. Ajo u konfirmua ditën e djeshme pozitive me koronavirus. 73-vjeçarja vuante nga sëmundje të tjera bashkëshoqëruese.
Ndërsa sot gjendja e saj ishte rënduar, duke çuar në komplikacione të tjera që i morën jetën.
Deri më tani numri i të prekurve nga koronavirusi në vend ka shkuar në 12. Dy rastet e fundit u lajmëruan nga Ministria e Shëndetësisë më herët ditën e sotme.
Bëhej fjalë për një të moshuar nga Lushnja që kishte qenë në Bergamo, ndërsa rasti tjetër kishte pasur kontakt me pacientin e parë të konfirmuar në vend.
