Kryeministri i Kroacisë, Andrej Plenkoviç njofton se është konfirmuar rasti i pari i infeksionit me koronavirus në Zagreb.
Gjatë një konference për shtyp, kreu i qeverisë kroate bëri me dije se pacienti është shtruar në spital dhe ndodhet në gjendje të mirë për momentin.
“Pacienti është në klinikën e Zagrebit për sëmundje infektive. Është një person më i ri dhe ka simptoma më të buta. Ai është në izolim dhe gjendja e tij është e mirë për momentin”, tha ai.
Ndërkohë, ministri i Shëndetësisë Vili Beros tha se pacienti kishte qëndruar në Milano nga 19 shkurt deri më 21 shkurt. Kroacia bëhet kështu shteti i parë në gadishullin e Ballkanit që konfirmon prekjen nga koronavirusi.
