Komisioni i Ligjeve rrëzon dekretin e presidentit për Kodin Zgjedhor, me 15 vota kundër dhe 2 pro.
Pak çaste më parë, kryeministri Rama refuzoi apelin e BE-së. Pavarësisht dy thirrjeve të komisionerit, Oliver Varhelyi, kryeministri Edi Rama është i vendosur për të rrëzuar dekretin e presidentit Ilir Meta për Kodin Zgjedhor, pa pritur opinionin e Komisionit të Venecias.
Një ditë më parë, presidenti Meta parashtroi 8 pyetje për Komisionin e Venecias. Ai iu drejtua Kuvendit të Shqipërisë me një kërkesë zyrtare, për të marrë parasysh opinionin e tyre, përpara se të votohen për ndryshimet zgjedhore.
