Presidenti Meta, në një tjetër mesazh në rrjetet sociale, paralajmëron se në datën 25 prill 2021 do të fillojë epoka e re e sundimit të popullit. Për rrjedhojë, kjo do të sjellë edhe sundimin e ligjit në vend.
Kreu i shtetit, Ilir Meta, garanton ndërkombëtarët se kohës së injorimit të kushteve dhe standardeve për integrimin do t’i vijë fundi, në 25 prill 2021.
Pak çaste më parë, Komisioni i Ligjeve rrëzoi dekretin e Metës për kthim në Kuvend të ndryshimeve në Kodin Zgjedhor. Nga 17 anëtarë prezentë, 15 votuan kundër dekretit dhe vetëm 2 pro.
Statusi
Falenderoj miqtë e vërtetë të Shqipërisë, që duan çeljen sa më parë të negociatave me Bashkimin Europian dhe nuk duan të na ndajnë nga Maqedonia e Veriut, për durimin e tyre dhe këshillat e sinqerta.
Shpresoj shumë që ato të dëgjohen me mençuri deri të enjten.
Por i siguroj miqtë tanë të sinqertë ndërkombëtarë se kohës së injorimit të kushteve dhe standardeve për integrimin do t’i vijë fundi, në çdo rast, në 25 prill 2021.
Pas kësaj date të gjitha kushtet do plotësohen rrufeshëm, me qëllim që Shqipërinë europiane ta ndërtojmë këtu dhe së bashku!
Në 25 prill 2021, do fillojë EPOKA E RE E SUNDIMIT TË POPULLIT, që do të sjellë edhe SUNDIMIN E LIGJIT në Shqipëri.
