Kryeministri Edi Rama, do të zhvillojë një darkë punë me homologun e tij grek, Kyriakos Mitsotakis, sot në orën 21:00.
Sipas mediave greke, kreu i qeverisë shqiptare Rama do të darkojë me kryeministrin Mitsotakis, ku pritet që të diskutohet lidhur me pretendimin e Greqisë për t’u zgjeruar me 12 milje në detin Jon.
Po të njëjtat burime shtojnë se në takim do të flitet edhe për sfidat e rajonit për zhvillimin e forcimin e tregtisë dhe investimeve, si dhe integrimin evropian.
Rama viziton Greqinë në cilësinë e kreut të OSBE (Organizata për Sigurinë dhe Bashkëpunimin në Evropë), dhe do të marrë pjesë në konferencën e organizuar nga revista prestigjoze “The Economist”.
