Detaje të reja janë mësuar sa i takon aksionit të zhvilluar në zonën e Xhamllikut në Tiranë, ku u prangosën 5 persona, dhe 1 u shpall në kërkim. Bazuar nga të dhënat e dosjes, makina tip “Benz” që drejtonte Gazmir Cani, nuk ishte në emër të tij. Makina me të cilën bëhej transporti i picave me kokainë, ishte në emrin e Lorena Gegës. Në rrëfimin e saj në polici, ajo ka thënë se makinën nuk e përdorte prej dy vitesh, duke qenë se e kishte lënë në biznesin e të atit, Artan Gega. Edhe ky i fundit është marrë në pyetje dhe ka thënë se makina përdorej nga punëtorët e restorantit, në shpërndarjen e ushqimeve. Po sipas tij, ata nuk kanë qenë në dijeni të transportit të drogës.
Pjesë nga dosja e prokurorisë:
Nga verifikimet e kryera ne sistemin E-Gjoba, ka rezultuar se mjeti tip Volkseagen Foks, me targa AA573SO, eshte ne pronesi te shtetases Lorena Gega, e cila eshte pyetur ne cilesine e personit qe ka dijeni per vepren penale dhe ka deklaruar se ka rreth 2 vjet qe nuk e perdor kete makine dhe se mjeti qendron kryesisht ne restorantin e babait te saj, shtetasit Artan Gega, ku ky mjeti perdoret nga punetoret e restoranit per sherbime te ndryshme dhe furnizime. Eshte pyetur ne cilesine e personit qe ka dijeni per vepren penale shtetasi Artan Gega, i cili gjithashtu deklaroi se makina qendron e parkuar afer restorantit, ku merret nga punetoret dhe perdoret per pune te ndryshme si furnizime, dergesa ushqimesh etj.
Në operacion është sekuestruar 1 kilogram e 128 gramë lëndë narkotike kokainë, 3 automjete dhe 7 aparate celular. Mes të arrestuarve është edhe 26-vjeçari Gazmir Cani, i cili kundërshtoi urdhrin e efektivëve për të ndaluar, duke u arratisur ndërsa drejtonte “Benz”-in. Gjithashtu në pranga kanë rënë edhe Gentian Kore 47-vjeç, Taulant Çoku 34-vjeç, Altin Gega 28-vjeç, Erjon Prengaj 32-vjeç. Në kërkim është shpallur 33-vjeçari E(E). , i dyshuar si bashkëpunëtor në këtë ngjarje. Këta persona në bashkëpunim me njëri-tjetrin, merreshin me shpërndarjen e lëndëve narkotike kokainë, në zonën e Xhamllikut.
