Juristi i njohur Sokol Hazizaj, ka reaguaar ndaj deklaratës së kryeministrit Edi Rama, se, peshkaqenët e korrupsionit në Shqipëri janë gjyqtarët dhe prokurorët e jo politikanët.
Sipas tij, janë politikanët targeti i parë i strukturës së posaçme dhe më pas gjyqtarët dhe prokurorët.
”Po ta shihni me vëmendje, në nëntekstin e asaj që thotë kryeministri, e devijon plotësisht qëllimin e reformës në drejtësi. SPAK përse është krijuar? Po të shikosh, lënda mbi të cilën do të funksionojë struktura e posaçme dhe gjykata e posaçme është ky, janë këta. Nuk janë gjyqtarët, ata janë pas, këta janë. Por siç duket, dallkaukët që që i përpunojnë teoritë atij, nuk e dinë akoma që gjithë ky rebesh hetimi dhe gjykimi do të jetë ndaj tyre”, tha ai.
Juristi tha se Rama e la vendin pa gjykata.
”I bën presion SPAK-ut. Është presion i drejtëpërdrejtë në kundërshtim me interesat e amerikanëve dhe Bashkimit Europian. Së treti, kush e la këtë vend pa Gjykatë Kushtetuese? Kush e la? Unë e lashë? Gjosha? Tani, Erioni, ju? Kush e la? Kush po e le këtë vend pa Gjykatë të Lartë?”, u shpreh Hazizaj në ”Termpora”.
