Kryetari i Partisë Demokratike, Lulzim Basha i është përgjigjur kryeministrit Edi Rama, pas ftesës që ky i fundit i bëri për bashkëpunim pas zgjedhjeve të 25 prillit.
Basha është shprehur i sigurtë që në datën 25 prill shqiptarët do ta largojnë nga qeveria Ramën.
Ndër të tjera, Basha shtoi se Rama nuk do ta ketë shansin që të jetë pjesë e qeverisë së tij, duke i konsideruar zgjedhjet e fituara nga demokratët.
”Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë.’’, shkruan Basha në rrjetin social, Twitter.
Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë.
— Lulzim Basha (@lulzimbasha_al) April 14, 2021
Kreu i qeverisë i shtriu dorën për bashkëpunim duke u shprehur se pas 25 prillit ishte i gatshëm që të bashkëpunonte me kryedemokratin, por me kushtin e vetëm që të “shkëputej” nga presidenti Ilir Meta dhe ish-kryeministri Sali Berisha.
