Kryetari i Partisë Demokristiane, Nard Ndoka ka arritur më së fundi marrëveshjen m kryedemorkatin, Lulzim Basha.
Pas disa orësh negociata, dy krerët e partive kanë rënë dakord me njëri-tjetrin, për të hyrë në zgjedhje si pjesë e një koalicioni.
Më herët gjatë ditës së sotme, Ndoka kishte shprehur pakënaqësi sa i përket propozimit të PD-së, pasi kërkonte nga këta të fundit të përfshihej në emrat e sigurt në listën e kandidatëve në qarkun e Shkodrës.
Ndërkohë, përfaqësuesi i Partisë Fryma e Re Demokratike, Sali Shehu, ka deklaruar pas takimit në selinë blu, se ende nuk ka firmosur dhe se do konsultohet me kryesinë e partisë.
Mesnata e kësaj të mërkure është vendosur si afati i fundit nga KQZ-ja për regjistrimin e koalicioneve parazgjedhore.
