Agron Duka zbulon premtimin e Bashës për listën e Durrësit

Kryetari i Partisë Agrare Ambientaliste, Agron Duka do të jetë në koalicion me Partinë Demokratike për zgjedhjet parlamentare të 25 prillit.

I ftuar në emisionin ”Open”, Duka ka zbuluar se Basha i ka premtuar vendin e dytë në listën e kandidatëve për deputetë në qarkun e Durrësit dhe nëse nuk e merr do të tërhiqet nga politika.

Kam negociuar për vendin e dytë. Nëse nuk e marr, nuk kam për të vrarë veten. Por nëse nuk jam i dyti në Durrës, nuk dal kundër opozitës, nuk bëhem me Ramën por rri në shtëpinë time. Ka një muaj që Basha më ka komunikuar që do jem i dyti në Durrës. Të tjerët kanë për të negociuar deri më datë 6 dhe gjithsecili ka qenë në merak të vendit të vet.”, tha Duka.