Xherdan Shaqiri është duke kaluar një moment mjaft të vështirë te Liverpool, pasi nuk aktivizohet prej disa ndeshjesh. Aventura e tij me “The Reds” nisi mjaft mirë, duke shënuar gola të rëndësishëm dhe duke asistuar, por pas një dëmtimi gjërat kanë ndryshuar dhe Klopp nuk e ka aktivizuar.
Por megjithatë, privatisht Shaqiri është bashkuar me futbollistët më të mirë të omentit, si Cristiano Ronaldo, Paul Pogba, Antoine Griezmann etj. Fjala është për “Rolls-Royce”, makinën e tij të re, që ka blerë.
Është “Rolls-Royce” më i fuqishëm i të gjitha kohërave, – shkruan prodhuesi i makinave në fjalë, në faqen e vet të internetit. Xherdan Shaqiri ia ka bërë vetes një dhuratë të tillë, e cila, siç raporton “Blick”, ka çmimin e 370.000 frangave zvicerane. Të paktën, “mbi katër rrota”, Shaqiri është tani në një nivel me yjet e mëdhenj të futbollit botëror.
