Pasditen e sotme Partia Demokratike mblodhi Këshillin Kombëtar ku temë diskutimi nga Kryesia e partisë ishte krijimi i Aleancës Qytetare për mbrojtjen e demokracisë në çdo bashki.
Basha u kërkoi të vetëve që gjatë gjithë kësaj kohe të rrisin angazhimin publik qytetar në nivelin më maksimal, pasi vendimet që do të merren në javët në vijim do të jenë përcaktuese për dekadën në vijim.
“Ne duhet të jemi gati të bëjmë detyrën tonë për të mbrojtur demokracinë dhe rendin kushtetues dhe për të mos pranuar asnjë proces votimi fallco, në shkelje dhe dhunim të Kushtetutës”, tha Basha, duke theksuar se këto javë janë përcaktuese për 10-15 vitet e ardhshme.
