Kina hodhi poshtë urdhrin e Presidentit të SHBA Joe Biden për një hetim të ri nga agjencitë e inteligjencës amerikane mbi origjinën e koronavirusit, duke akuzuar SHBA-të se po përpiqen të politizojnë kërkimin.
Zëdhënësi i Ministrisë së Jashtme kineze, Zhao Lijian, të enjten akuzoi SHBA-në se po përpiqet të fajësojë Kinën për pandeminë dhe mbrojti qëndrimin tashmë të njohur kinez se, koronavirusi nuk ka dalur nga laboratori, shkruan DPA.
Ai theksoi se ekspertët e Organizatës Botërore të Shëndetësisë (OBSH), kishin përfunduar në shkurt se një rrjedhje nga një laborator ishte “jashtëzakonisht e pamundur” pasi ata kishin kryer hetime në qytetin qendror të Wuhan.
”Nëse SHBA-ja i kërkon Kinës të marrë pjesë në një hetim të plotë, atëherë edhe Kina do t’i kërkonte SHBA-së të ndiqnin shembullin dhe të lejonin hetime ndërkombëtare.”, tha ai.
Sipas një raporti të inteligjencës amerikane, The Wall Street Journal raportoi të dielën se tre persona nga Instituti i Virologjisë në Vuhan u shtruan në spital me një sëmundje në nëntor të vitit 2019, një muaj para se Pekini të zbulonte ekzistencën e një shpërthimi të epidemisë në Vuhan.
