E hënë, 20 Shtator, 2021
28.5 C
Tirana

Kim i lë 1 muaj afat Bashës për Berishën, ish-kryeministri hedh hapin e radhës

Ish-kryeministri i vendit, Sali Berisha, ka përcjellë një mesazh të fortë ndaj ambasadores amerikane, Yuri Kim. Berisha ka shpërndarë një pjesë të fjalimit, nga festa e 25-vjetorit të themelimit të PD. “Sikur 1000 të mbesin, do të mbetem njëri prej jush, sikur 100 të mbeten, do mbetem një prej jush, sikur vetëm një të mbesë, do të mbetem njëri prej jush. Rroftë Partia Demokratike”, shprehet Berisha në video.

Ambasadorja e SHBA-së në Tiranë, Yuri Kim, ia ka bërë të qartë kryedemokratit Basha, se ish-kryeministri Sali Berisha nuk duhet të jetë në parlament në shtator. Ky ultimatum u përcoll LIVE, teksa ajo po prononcohej për mediat, pasi kishte zhvilluar një takim me kreun e PD-së, Lulzim Basha në selinë blu.

Ambasadorja Kim, lëshoi disa deklarata të forta. Ajo i dërgoi një ultimatum z. Basha që të largojë Berishën, dhe të distancohet nga komunizmi, pasi sipas saj, Partia Demokratike s’mund të hajë bar për hir të një deputeti. Ajo nënvizoi ndër të tjera se në shtator PD duhet të jetë pa Berishën, duke i lënë një muaj afat Bashës ta largojë.

“Do të doja të theksoja përgjegjësinë që kanë kryetarët e partive, për t’u siguruar që kur të hyjnë në atë parlament, të shoqërohen nga anëtarë që janë të denjë për të përfaqësuar Shqipërinë. Do jetë veçanërisht e rëndësishme që edhe PD, t’i mendojë këto çështje. Siç e përmenda më parë, PD ka luajtur një rol të pazëvendësueshëm, për ta nxjerrë këtë vend nga komunizmi, për ta çliruar nga diktatura.

Do ishte një ironi historike, por edhe një tragjedi për vendin, jo vetëm për partinë, nëse partia do hante bar për hir të interesave personale të një njeriu. Shpresa jonë është që partitë do ecin përpara, që ky vend do ecë përpara, që bashkëpunimi midis SHBA dhe Shqipërisë të ecë përpara. E ardhmja po pret. Ka vendime të vështira përpara për të gjithë. Shpresoj që të gjithë të mund të pushojnë mirë gjatë gushtit, por shpresoj edhe që kur të kthehen të freskët dhe të ripërtërirë në vendosmërinë e tyre, për të zgjedhur të ardhmen kundrejt të kaluarës”, tha ndër të tjera ambasadorja Kim.

Lexo edhe :   Meta merr në mbrojtje Berishën, akuzon Kim se po shkel sovranitetin e vendit
- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...