Kukësi dhe Partizani u ndanë në një barazim 1-1, i cili mund të cilësohet si një fitore për kryeqytetasit pasi i janë afruar më shumë titullit kampion. Pas ndeshjes kanë folur të dy presidentët e klubeve respektove, Safet Gjici dhe Gazmend Demi. Gjici u shpreh të kuqtë i kanë qejf penalltitë dhe se ata merituan të fitonin ndeshjen. Po ashtu edhe Demi u shpreh se meritonin fitoren me atë që dhanë në fushë.
Gazmend Demi: Të jem korrekt, e meritonim fitoren, por edhe barazimi ishte shumë i mirë për ne. U bë lojë e bukur dhe ekipi luajti më mirë, ndaj jam i kënaqur me atë që pashë dhe morëm. Titullin nuk e kemi fituar akoma matematikisht, ndaj duhet të rrimë me këmbë në tokë dhe t’i marrim ndeshjet me radhë.
Safet Gjici: Ishte një ndeshje e bukur, ku merituam fitoren, por ai Cuculi gaboi shumë rëndë. Më pas nuk e di a ishte penallti ,pasi duhet ta shoh, por këto të Partizanit i kanë qejf penalltitë. Matematika na lejon të shpresojmë te titulli, ndaj do luajmë deri në fund për fitore dhe të shohim si do shkojnë punët.
