Kryeministri Rama ka shpërthyer ndaj opozitës, e madje e ka lëshuar gojën ndaj tyre, dhe presidentit Meta, duke i cilësuar një ‘çetë karagjozësh”. Kjo politikë është një P e madhe me O në fund, tha kryeministri, i cili e cilësoi Lulzim Bashën një “derdimen”.
Duke folur përmes statistikave, ai argumentoi me fakte se vetëvrasjet nuk janë vetëm në Shqipëri, por ndodhin edhe në botë. Në këtë situatë dramatike ku po e përjeton mbarë globi, kryeminsitri tha se të prekur janë jo vetëm pacientët por edhe personeli mjekësor, të cilët kanë kryer vetëvrasje. Rama paralajmëroi se para kemi një sfidë të madhe, ndaj të gjithë duhet të ndërgjegjësohen.
“Si mund të ngrihet hipoteza se vetëvrasjet ndodhin në spital për këtë. Shifrat botërisht tregojnë atë që është paralajmëruar në mënyrë të vazhdueshme nga ekspertët, se një nga pasojat e futjes së këtij armiku të padukshëm në trupin e njeriut, është nxitja për të vrarë veten. Është e materializuar në shifra. Në Itali, nga marsi në gusht u vetëvranë 71 persona.
Janë regjistruar një numër i konsiderueshëm tentativash vetëvrasjesh. Në Francë është lidhur numër i vetëvrasjeve, që lidhen me COVID. 4 persona në Gjermani, në Arabinë Saudite, në Britani. Kanë kryer vetëvrasje nga ankthi. Në Mbretërinë e Bashkuar një infermier vrau veten gjatë orarit të punës. Nje mjek rus u vetëvra duke u hedhur nga dritaret e spitalit, pasi ka rezultuar pozitiv me COVID dhe kanë përjetuar stresin emocional të frikës që paralajmërohet në mënyrë të vazhdueshme nga ekspertet e shëndetit në këtë situatë.
Nga 21 shtatori deri në 20 tetor, 4 pacientë janë vetëvranë në Ukrainë. Dy rastet e para burra, janë hedhur nga dritarja e spitalit Klinik të Kievit nr.4. U raportua se ata ishin me Covid dhe kanë përjetuar atë stres të tejskajshëm. Në tetor një grua u hodh nga një prej spitaleve në Ukrainë. Një tjetër në një spital të Kiveit, një burrë u hodh. Qeveria e shqiptare i nxit këto vetëvrasje në botë?! Një kolegu juaj thoshte se vetëvrasja nxitet nga zhurma e aparaturave që janë të vjetra.
Në SHBA, në linjën e emergjencave federale janë regjistruar në muajin prill, mbi 1000% thirrje nga familjarë të personave me çrregullime emocionale. Është vetëvrarë personel mjekësor, me hedhje nga dritarja në New York. Në një studim qysh në muajin maj, botërisht i njohur, është parapare rritja e numrit të vetëvrasjeve me 32 % globalisht si pasojë e COVID. Në Poloni ka pasur vetëvrasje të personelit mjekësor po ashtu. Edhe në Greqi ka pasur vetëvrasje në një qendër të strehimit social.
E mendoni se sa njerëz janë në shtëpi me ankthin e kësaj sëmundje sot?! E nuk guxojnë që të hapin televizorët. Nis me Lulin, vazhdon me Ilir, pështjellohet me Monikën, dhe kronizohet me Berishën dhe pastaj si mbyllje me ca analistë.
Në Shqipëri si gjithë bota kemi një sfidë të madhe. Presidenti i SHBA-ve dje doli dhe paralajmëroi 200 mijë vdekje të tjera. Po arrijnë në shifra që nuk i kanë arritur as në luftë. Pse nuk e ndalon Amerika infeksionin me Lulëzim derdimenin?! Pse?!”, tha Rama.
