Këtë verë do të martoheshin. Kjo është historia tragjike e një çifti, që humbi jetën nën rrënoja, pas tërmetit që ra në Thumanë. Kjo është drama e përjetuar në familjen Cara në Thumanë. Nga 9 pjesëtarë, vetëm 2 prej tyre kanë arritur të mbijetojnë. 4 prej tyre janë ende nën rrënoja, mes të cilëve edhe Stela me Almirin.
Almir Cara është vetëm 29 vjeç. Ai me të fejuarën e tij Diastela Steneci, 25 vjeçe, aktualisht ndodhen nën rrënojat e një pallati të shkatërruar në Thumanë.
Çifti i ri planifikonte të martohej këtë verë. Duket se misioni për ti gjetur trupat, po bëhet edhe më i vështirë me kalimin e orëve. “Sipas konfirmimeve të autoriteteve greke që po kërkojnë në mënyrë më të specializuar, nuk ka shenja jete”, tha gazetari Spartak Koka në emisionin “Opinion”.
