Kryeministri Edi Rama bashkë me ministrin e Rindërtimit, Arben Ahmetaj dhe ministren e Mbrojtjes, Olta Xhaçka kanë vizituar sot Shijakun, ku ushtria është angazhuar për të pastruar inertet në sheshet e rindërtimit.
Ministri Ahmetaj u shpreh se brenda kësaj jave do të çelen fondet e dëmshpërblimit për qytetarët që kanë shtëpi të pariparueshme. Sipas tij, 600 milionë lekë do u kalojnë qytetarëve teksa vetëm në Shijak përfitojnë 1,173 familje gjatë muajit qershor. Ai shtoi se fondi për Durrësin do të hapet në muajt korrik dhe gusht.
Rama theksoi se rindërtimi duhet të nisë sa më shpejt. Kryeministri tha se qeveria është brenda afatit për të arritur objektivat e rindërtimit.
Postimi i plotë:
SHIJAK, një nga pikat ku ka nisur sot Operacioni i Pastrimit të inerteve në sheshet e Rindërtimit, me mbështetjen e forcave të ushtrisë👍
Këtë javë qeveria nis çeljen fondeve të dëmshpërblimit për familjet me dëmtime të riparueshme të shtëpive, të cilat do të mbështeten nga qeveria dhe nga ana tjetër, lidhen kontratat e para të Rindërtimit të Shkollave, për të vijuar gjatë gjithë qershorit me kontratat e investimeve në infrastrukurën e zonave të dëmtuara, si edhe për Rindërtimin e Banesave Individuale🙂
NE THEMI ATË QË BËJMË DHE BËJMË ATË QË THEMI🤝
