Mbrëmjen e kaluar u prish koalicioni VV-LDK si pasojë e mocionit të mosbesimit që u propozua nga Kryetari i Lidhjes Demokratike të Kosovës, Isa Mustafa.
Lidhur me zhvillimet më të fundit politike në Kosovë, ka reaguar edhe Këshilltarja e Presidentit të Serbisë, Aleksandar Vuçiç, Suzana Vasiljevic.
Këshilltarja e Vuçiç ka deklaruar se kanë monitoruar nga afër zhvillimet e natës së fundit në Prishtinë, ku u rrëzua Qeveria e Albin Kurtit pas mocionit të mosbesimit nga Lidhja Demokratike e Kosovës.
Vasiljevic pohon se një situatë e tillë i ka interesuar jashtëzakonisht shumë edhe Presidentit të Serbisë, Aleksander Vuçiç. Siç ka treguar ajo, Vuçiç ka qenë në kontakt të vazhdueshëm me njerëzit e tij, sa i përket zhvillimeve në Kosovë.o
Sipas saj, Qeveria Kurti u rrëzua si pasojë e përplasjes mes Amerikës dhe Evropës.
Ajo pohon se çfarë ka ndodhur dje në Kosovë është rezultat i përplasjes mes politikës së jashtme të Washingtonit dhe Brukselit.
“Çfarë ndodhi mbrëmë ishte qartazi një përplasje e politikës së jashtme mes Amerikës dhe Bashkimit Evropian. Ata kanë dy politika të ndryshme dhe e kuptojnë në mënyra të ndryshme situatën në Kosovë. Një gjë e tillë ka shtyrë drejt rrëzimit të qeverisë”, është shprehur Këshilltarja e Presidentit të Serbisë.
