Jo vetëm Berisha, por edhe vetë këshillari i tij i ka dalë kundër kryedemokratit Basha. Përjashtimi i Sali Berishës nga grupi parlamentar i PD-së me vendim të Lulzim Bashës, ka nxitur përplasjet mes demokratëve, të cilët janë ndarë në dy kampe. Një prej mbështetësve më të mëdhenj të PD-së, Martin Henze, që njihet edhe si këshilltar gjerman në selinë blu, i ka dalë krahë Berishës.
Situata gjatë ditëve të fundit është nxehur jashtë mase, pasi Berisha është hedhur në sulm për të larguar Bashën dhe kthyer PD-në kundër SHBA-së. Një lëvizje e beftë nga këshilltari i Bashës, nxjerr zbuluar edhe ‘armiqësitë’ me të vetët.
Martin Henze, në një postim në Twitter është pozicionuar hapur krah ish-kryetarit të PD-së Sali Berisha, i cili me anë të ‘Foltores’ po tenton të bindë demokratët që vendimi i Lulzim Bashës për ta përjashtuar nga grupi parlamentar, ishte i gabuar. Henze i kërkon Bashës që të largohet nga drejtimi i partisë për shkelje të rëndë që i bëri rregullave të kësaj partie, por edhe për marrëveshje me Ramën dhe aferë në SHBA.
“Më e rëndësishmja është, që kryetari të japi dorëheqjen. Të japi dorëheqjen. Për veprimet e tij të paligjshme javën e kaluar, duke shkelur rëndë statutin e Partisë Demokratike dhe larguar nga grupi parlamentar liderin historik te Partisë Demokratike. Të japi dorëheqjen. Për marrëveshjen e fshehtë me Ramën në dëm të Partisë Demokratike, duke i sjellë jo vetëm humbjen në zgjedhjet e fundit parlamentare, por dhe dëme të pa riparueshme. Të japi dorëheqjen. Për transaksionet ilegale financiare në SHBA, e ndjekur nga një fotografi me Trump”, shkruan Henze.
