Paloma ka ndarë me publikun një moment kritik të jetës së saj, ku i është dashur që të përballet me agresivitetin e bashkëshortit, pasi ai konsumonte alkool. Brenda shtëpisë së “Big Brother Vip”, Paloma ka kujtuar një periudhë të vështirë të jetës, dhe sakrificat që i janë dashur të bëjë për vajzën e vogël.
Teksa diskutonte me Monikën, Paloma tha se shumë netë i është dashur të përballojë frikën dhe pasigurinë, si pasojë e agresivitetit që bashkëshorti i saj shfaqte nën efektin e pijes.
“Vinte në orën dy të natës dhe bërtiste, i thyente të gjitha dhe mallkonte intensivisht. Ishte e frikshme, kisha më shumë merakun e vajzës”, tha ajo.
Ajo kujton edhe një episod, ku i është dashur që të njoftojë policinë për të izoluar bashkëshortin.
“Një natë erdhi i pirë, dhe po më kërkonte mua. Nga meraku i vajzës, tentova ta qetësoj. Ai më mori mua, më ngriti në ajër dhe kërkonte që të më përplaste në tokë. Kam thirrur policinë, dhe e lashë dy ditë atje derisa të qetësohej situata”. Paloma tregoi se pas kësaj situate u largua nga shtëpia së bashku me vajzën, dhe vendosi që ta vinte bashkëshortin përballë dy zgjedhjeve, alkoolin ose familjen.
