Këngëtarja dhe moderatorja Evi Reçi, teksa ishte e ftuar në emisionin “Rreze Dielli” ka rrëfyer mes të tjerash vështirësitë dhe sfidat që ka kaluar teksa jetonte jashtë Shqipërisë. Një pjesë të jetës e ka kaluar fillimisht në Greqi dhe më pas në Itali.
Mirëpo, Evi tregon po ashtu dhe për mënyrën se si familja e saj u përshtat më së miri me kulturën dhe shoqërinë e shteteve ku kanë jetuar.
Këngëtarja shprehet që e ëma punonte si mësuese violonçeli në një shkollë greke, ndërsa thekson se ky rast paraqitej disi e pazakontë për emigrantët e asaj kohe:
“Greqia… ka qenë diçka shumë e bukur. Në atë kohë mami im punonte si mësuese violonçeli. Ishte diçka e çuditshme që një shqiptare të ishte muzikante në Greqi. Kjo sepse për fat të keq ishte lidhur ndryshe imazhi i shqiptarëve në atë kohë”.
