Sikundër ishte paralajmëruar më herët, tashmë po mbahet një protestë në Shkodër, për 25 vjeçarin e vrarë, Klodian Rasha.
Me pankarta në duar “Ma në fund kena ba shtet, ditën t’puth e natën t’vret” apo “nuk jena popull i varfër, por jena popull i vjedhur dhe i vrarë”, qytetarët po protestojnë për drejtësi.
Tubimi ka nisur në sheshin “Luigj Gurakuqi”, dhe ndryshe nga java e shkuar deri më tani, nuk ka patur asnjë incident.
Protesta në fjalë ka si kërkesë dorëheqjen e drejtorit të Përgjithshëm të Policisë së Shtetit, Ardi Veliu, pas vrasjes së Klodian Rashës nga një efektiv i forcave ‘Shqiponja’.
