Pas mbylljes së votimeve për këto zgjedhje, kryeministri Edi Rama ka dalë në një deklaratë për mediat, ku i cilësoi këto zgjedhje betejën më të vështirë që ka kaluar ndonjëherë.
Në fjalën e mbajtur, kreu i qeverisë, u shpreh se sot fitoi e ardhmja, ndërsa nuk la pa falënderuar ndërkombëtarët që qëndruan krah shqiptarëve. Mirëpo, kërkoi dhe ndjesë për të gjithë ata të huaj që u sulmuan nga opozitarët gjatë këtyre muajve.
Kryeministri Rama theksoi më tej se zgjedhësit e këtij vendi nuk i merituan presionet dhe zullumet që përjetuan kohët e fundit.
Ndër të tjera, ai u shpreh se: “Fitimtarët e këtij 30 qershori, duhet ta ngulisim në mendje sepse nuk fituam ngaqë kemi bërë punë shumë të mira, kemi bërë dhe disa punë që mirë mos ti kishim bërë fare, sepse i kemi bërë gabim.”
Pjesë nga deklarata e Ramës:
Sot ishte 30 qershori i një Shqipëri që për shumë muaj përjetoi dramën e një përçarje të rëndë politike organizuar, nxitur, për të ndaluar ecjen dhe integrimin e popullit shqiptar në familjen e popujve të Evropës.
Mes Shqipërisë së vjetër, të fantazmave dhe Shqipërisë së drejtë që duam për gjithë fëmijët e kësaj bote. Sot fitoi e ardhmja, fitoi qytetaria, fitoi shpresa. Humbi me të drejtë Shqipëria e djeshme,
Ishte fitore e vështira, me e vështira. Sepse nuk fituam mes veti kundërshtarë, por fitoi vetë sistemi, ende i brishtë demokratik.
Një faleminderit miqve dhe partnerëve të palëkundër, të cilët u kërcënuar, u goditën, por nuk u rrëzuan përkrah populli shqiptar. Faleminderit qeverisë së SHBA dhe përfaqësisë së saj në Tiranë.
Jo vetëm faleminderit, por edhe ndjesë, të gjithë të huajve që u sulmuan.
Pas pak krijohet një ditë e re, që e gjen Shqipërinë të çliruar. Populli i Shqipërisë nuk e meritonte gjithë sa pa, dëgjoi dhe përjetoi me muajt që dukeshin si vitë me errësirën frikësuëse.
Zgjedhësit e këtij vendi nuk e meritojnë tërë atë presion kriminal dhe miserabël në shpirtin dhe mendjen e tyre, nuk e meritonte tërë atë zullum të zi për hir të një plani antikombëtar.
Populli shqiptar foli qartë dhe bukur, qoftë duke shkuar të votojnë, ose qoftë duke mos shkuar të votojnë, ata folën në gjuhën e paqes dhe respektit. U krye për bukuri ajo cfarë dukej si rruga pa krye e rezistencës sonë. Pas pak fillon një ditë e re.
Në radhë të parë duke u përulur përpara popullit. Ne nuk fituam përgjithmonë luftën për zgjedhjet e të gjitha radhëve.
Nga sot, Shqipëria nuk do të shohë me djegie mandatesh, fronte armiqësore poilitike.
Nga sot, në vetë, fitimtarët e këtij 30 qershori, duhet ta ngulisim në mendje sepse nuk fituam ngaqë kemi bërë punë shumë të mira, kemi bërë dhe disa punë që mirë mos ti kishim bërë fare, sepse i kemi bërë gabim.
Punët që kemi bërë deri më tani nuk mjaftojnë aspak. Nëse ne gabojmë ne leximin e mbeshtetjes së madhe, duke kujtuar se është rezultat i meritës sonë, mos të harrojmë, nga nesër, ne kemi vetëm një meritë, që rezistuam duke qëndruar në rrugën e historisë. Kemi meritën që zgjodhëm rrugën e drejtë dhe të qartë.
