I pranishëm në konferencën “Sfida dhe vizione në shëndetësi”, ish-kryeministri Sali Berisha komentoi incidentin në Pallatin e Kongreseve, gjatë ceremonisë së diplomimit të studentëve të Universitetit të Mjekësisë. Ai e cilësoi si një akt të shëmtuar.
“Një akt i shëmtuar, i them këtij gangsteri se ke vrarë çdo student shqiptar, me atë që ke bërë në sallën e diplomimit. Ai tha një të vërtetë dhe ky fut roje dhe e rrahu studentin në sallë.
Kërkoj ndjesë se ishte pak dhe jashtë teme, por e vërteta është që kreu i meduzës, kanceri i vërtetë i mjekësisë së vërtetë shqiptare është Edi Rama”, u shpreh Berisha.
Incidenti u shënua në ceremoninë e diplomimit të studentëve të Mjekësisë. Teksa kreu i qeverisë po fliste lidhur me kushtet e reja ku po punojnë “bluzat e bardha”, një nga të pranishmit në sallë ka ngritur zërin duke i thënë Ramës së në Shqipëri diplomohen vetëm të pasurit.
