Komisioni i BE-së për Menaxhimin e Krizave, Janez Lenarčič ndodhet këtë të enjte në Tiranë, për të ndihmuar Shqipërinë lidhur me situatën e vështirë që po kalon pas tërmetit të 26 nëntorit. Ai u prit nga kreu i qeverisë Edi Rama në Kryeministri.
Gjatë fjalës së tij, Lenarčič u shpreh se prania e tij në Shqipëri është për të treguar solidaritet dhe mbështetje në këto ditë. Ndërsa premtoi se Shqipëria nuk do ta tejkalojë e vetme këtë situatë.
“Prania ime tregon solidaritet. Synimi është që Shqipëria të mos ndjehet se këtë situatë do e kalojë vetëm. Kemi një angazhim të fortë e solid për të bërë gjithçka që është e mundur në këtë situatë të vështirë”, deklaroi Lenarčič.
Kujtojmë se ditën e djeshme, presidentja e KE-së, der Leyen tha në një konferencë për shtyp se ka pasur një telefonatë me kryeministrin Rama. Teksa shtoi se do të ofrojë 15 milionë euro nga fondi i politikës së fqinjësisë për pasojat e tërmetit në Shqipëri.
