Kryetari i ri i Bashkisë së Kavajës, Redjan Krali, është pritur me protesta gjatë momentit që ai ka tentuar të hynte brenda godinës së kësaj bashkie.
Nga videoja e mundësuar nga Fax News, shihen momentet kur Krali dhe prefektja e Tiranës shtyhen nga protestuesit, duke mos i lënë të hyjnë brenda në godinë.
Redjan Krali ka bërë gjatë ditës së sotme betimin si kryebashkiaku i ri i Kavajës. Por ceremonia nuk është zhvilluar në institucionin e Bashkisë, pasi ish-kryetari demokrat nuk ka pranuar ta lirojë zyrën.
Pas ceremonisë, Krajli bashkë me ish-ministrin Ahmetaj dhe ministren Spiropali, konsumuan një kafe përpara se t’i drejtoheshin bashkisë.
Ndërkohë që, betimi dhe konstituimi i Këshilit Bashkiak u prit me protesta nga Partia Demokratike. Ish-kreu i Bashkisë Kavajë, Isa Sakja tha se nuk mund të drejtohet jë bashki kur kryetari ka marrë vetëm 5% të votave të qytetarëve.
