Kryeministri Edi Rama, gjatë takimit të tij elektoral në Fier u shpreh se katërshja opozitare Sali Berisha, Lulzim Basha, Ilir Meta dhe Monika Kryemadhi duan t’i bëjnë gropën Shqipërisë.
Më tej, Rama deklaroi se ata po përpiqen të bëjnë me këtë vend atë që as armiqtë e kombit shqiptar nuk do ta bënin, por kjo gjë nuk do të lejohet.
Pjesë nga deklarata:
“Data 30 qershor është një datë ku duhet të shkojmë dhe t’ua thyejmë hundët kundërshtarëve. Ata nuk na kanë sfiduar ne, por si popull, si shtet, si komb dhe e kanë me qëllim. Kanë qenë të vetëdijshëm dhe i kanë hyrë një rruge që do e kishin zili armiqtë tanë më të besuar.
Këta duan që Shqipërisë t’ia bëjnë gropën shqiptarët. Por nëse ka pasur Haxhi Qamilë që kanë dashur t’ia bëjnë për pak kohë gropën vendit, këta do të bien në gropë”, tha Rama.
