Kosova ashpërsoi masat, pas shtimit të rasteve me koronavirusin vdekjeprurës. Qeveria e Kosovës në bashkëpunim me Ministrinë e Shëndetësisë, ndërmori masat e reja, për të frenuar përhapjen e pandemisë.
Dje Kosova ka shënuar një rritje të numrit të infektimeve nga pandemia e koronavirusit Covid-19. Instituti Kombëtar i Shëndetësisë Publike, njoftoi se në 24 orët e fundit kanë ndërruar jetë 12 pacientë, ndërsa numri i personave të infektuar është 728.
Qeveria e Kosovës ka marrë vendimin që në fundjavë të ndalohet veprimtaria e të gjitha bizneseve, qendrave tregtare e rekreative, supermarketeve, subjekteve që ofrojnë shërbimet e gastronomisë (restorantet, kafenetë) në tërë territorin e Republikës së Kosovës, prej orës 20:00, më 06/11/2020 (e Premte) deri më 09/11/2020 (e Hënë) në orën 05:00. Por pas masave të reja kufizuese që ka ndërmarrë qeveria e Kosovës, shumë shtetas të saj janë nisur drejt Shqipërisë, për të kaluar fundjavën.
