Futboll

Kandidati i Ramës bën gafën e pafalshme në Shkodër, “plas” në rrjetet sociale (Video)

               Publikuar në : 16:12 - 26/06/19 Enno

Kandidati i Partisë Socialiste për Bashkinë e Shkodrës, Valdrin Pjetri ka bërë një gafë të pafalshme e cila po bën xhiron e internetit. Në një takim që ka organizuar ditën e sotme më njerëzit e botës së sportit, Pjetri është shprehur se do ta rikthejë Vllazninë në Kategorinë e Parë, një gafë që ishte bërë më parë edhe nga kryebashkiakja aktuale Voltana Ademi.

Vllaznia mbylli një sezoni të vështirë në të Parën, ku në fund arriti të siguronte Superioren. Kjo deklaratë e tij nuk është kapërdirë dot nga tifozët shkodranë, të cilët kanë vërshuar në një lumë sharjesh në rrjetet sociale. Nëse Voltana Ademit, i falet në njëfarë mënyre pasi është edhe femër, gafa e Pjetrit, i ka “tërbuar” tifozët kuqeblu.

“Vllaznia nuk po arrin të kalojë aty ku e ka vendin. Kam marrë shumë shqetësime nga tifozë të ndryshëm dhe pyetja kryesore është: Valdrin, çfarë do të bësh me Vllazninë nesër? Në konsultë edhe me mjeshtrit e sportit, por edhe duke parë anën ekonomike, propozimi ynë është fillimi i procedurave për privatizimin e KF Vllaznia.

Vetëm atëherë ne mund të çojmë Vllazninë në Kategorinë e Parë dhe t’i japim Vllaznisë as më shumë e as më pak, por atë që meriton. Ja kemi borxh dhe borxhet duhet me i la. Koncepti ynë është që Vllaznia të privatizohet”, u shpreh kandidati i Partisë Socialiste për Bashkinë e Shkodrës, Valdrin Pjetri.

Valdrin Pjetri Shkoder on Vidnews.

Kthehu
WhatsApp Denonco ne TT