Një ditë më parë një shqiptar rezident në Gjermani humbi jetën tragjikisht në Itali. Kamioni i tij u përplas dhe shtetasi i shqiptar i identifikuar si Edmond Boci, ndërroi jetë. Por, pas këtij lajmi të hidhur, shumë miq të afër dhe kolegë të tij kanë reaguar për humbjen e njeriut të tyre të dashur.
Mes tyre, një mik i shqiptarit, gjermani Artur Hoffmann, shkruan se ai e donte punën aq shumë dhe vdekja është çmimi i kësaj pune.
Ja mesazhi i tij
“Sot 14.11.2017 është një ditë që kurrë nuk do ta harroj në jetë. Një mik shumë i mirë dhe kolegu Edmond Boçi na ka lënë fatkeqësisht sot, ai e donte punën e tij si një shofer profesionist si askush tjetër, por për fat të keq ai e mori këtë pasion me vete. I uroj familjes, miqve dhe të dashurve shumë fuqi në këto kohë të vështira. I nderuar Edmond ajo që keni dhënë në jetë, është e gjitha falë jush.
Ju jeni kujdesur për të dashurit tuaj, që nga fillimi deri në fund të ditës. Ju ishit kaq i përulur në jetë, vetëm detyrën dhe punën njihnit, dhe me gjithçka keni qenë gjithmonë të kënaqur…Pra, pusho në qetësi!”
“Njerëz ky është rreziku i profesionit tonë dhe për shumë njerëz ne jemi vetëm disa njerëz që prishim punë, që udhëtojmë me 70 km në orë, që ecim ngadalë në malore etj. etj. Por, këta njerëz nuk kuptojnë që pa ne nuk do të kishin asgjë, më pas ndodhin këto fatkeqësi dhe askush nuk thotë asgjë! Udhëtim të mbarë koleg. R.I.P. dhe na drejto nga atje lart”.
