Kryeministri Edi Rama ka folur në lidhje me menaxhimin e situatës pas tërmetit të 26 nëntorit.
Gjatë fjalës së tij në Parlament, Rama u shpreh se ministrat e qeverisë kanë bërë secili punën e tij. Ai u shpreh se ka zënë shumë vend nëpër ekrane, por ministrat kanë qenë në terren, ndonëse jo çdo njëri prej tyre ka çuar material në media.
“Kam zënë shumë vend në ekran por po të mos ishin ata që janë mbrapa nuk do ishte bërë dot as 1/10 e asaj që është bërë. Realiteti nuk është ai që shikoni në televizor, kanal e portal. Realiteti është në territor. Nuk është detyrimi i askujt volumi i paraqitjeve në televizor e secilit prej tyre.
Nëse ministrat nuk do kishin qenë në krye të detyrës nuk do kishim pasur maksimumin.
Nëse Xhaçka që sapo është bërë nënë duke qenë në krye të detyrës e spitale pavarësisht insistimit të mjekeve për të mos qenë atje nuk do ishte bërë kjo që është bërë sot.
Nëse Lleshi nuk do kishte qenë, nuk do kishte pasur qeveria të përcillte atë motivim.
Ministrja e Infrastrukturës e kështu me radhë deri tek zv.kryeministri që ka qenë nën stop. Mirë është që gjërat ti shohim siç janë. Nuk kemi bërë mrekulli as një punë që nuk ka pasur të meta, por të shohim anën e mirë”, tha ai.
