Kreu i Partisë Demokratike, Lulzim Basha pas takimit me qytetarët e Shkodrës u nis drejt makinës, i shoqëruar nga bodigardë dhe simpatizantë të PD-së në këtë qytet.
Mirëpo, gjatë takimit një qytetar shkodran i është afruar kreut të PD-së duke iu drejtuar me fjalët “po të shoqërojnë zagarët”.
“Po të shoqërojnë nja katër a pesë zagarë. Unë e kam mbajtur Azem Hajdarin në shpatulla. Këta që po të shkojnë mbrapa kanë bërë gradaçela. Pse i shkojnë zagarët mbrapa. Shikoi, ja ku është”, dëgjohet të thotë qytetari.
E ndërsa një qytetar tjetër i thotë “kush të pyeti ti”, ndërkohë që truproja i Bashës mundohet ta largojë, qytetari vijon duke thënë “Kjo është Shkodra jonë.”
