Psikologia e Caroline Crouch e cila u vra nga bashkëshorti i saj në dhomën e gjumit, në prani të vajzës së tyre 11 muajsh, ka përcjellë një detaj që me gjasë do të ndikojë në masën e dënimit ndaj 33-vjeçarit. Krimi i rëndë tronditi Greqinë rreth dy muaj më parë.
Eleni Mylonopoulou ka zbuluar për hetuesit se Caroline i kishte shprehur shqetësimin se ajo donte të divorcohej. Caroline dhe Babis kishin ndjekur 20 seanca këshillimi me të. Sipas ANT1, Eleni Mylonopoulou tha se Babis Anagnostopoulos fillimisht foli për depresionin e Caroline pas lindjes.
Kur ai është larguar nga zyra dhe takimi vazhdoi pa praninë e tij, vajza i ka thënë psikologes se donte të divorcohej nga bashkëshorti i saj. Eleni Mylonopoulou ka dhënë një dëshmi të re, ku foli për takimin e saj të parë me çiftin, duke zbuluar se kur të dy qëndruan, Caroline i tha asaj se donte të divorcohej.
Këshilltarja e shëndetit mendor e Carolines, foli për gati 20 seancat që ata patën me të, nga tetori 2020 deri në shkurt 2021, ndërsa tregoi gjithashtu se çfarë ndodhi në takimin e parë, në zyrën e saj në Chalandri. Caroline ka thënë: “Unë jam e dashuruar me personin dhe përrallën që kishte ngritur, por unë e urrej burrin” … Psikologia i ka thënë hetuesve se pas krimit, ajo ka marrë mesazhe kërcënuese nga të panjohur, në mënyrë që të mos zbulonte se çfarë dinte për marrëdhënien e çiftit. Policia do të hetojë se cilat ishin këto telefonata, dhe nga kush janë bërë.
Burimi i lajmit: protothema. Përshtati: Tirana Today
