Anëtari i Kryesisë së Partisë Demokratike, Fatbardh Kadilli, i cili doli humbës në zgjedhjet e 13 qershorit për kren e kësaj force politike, është shprehur se kryedemokrati Lulzim Basha dhe ish-kryeministri Sali Berisha, nuk kanë çfarë t’i ofrojnë më kësaj partie.
Deklarata e Kadillit u bë ditën e sotme, në një intervistë për Report Tv. Duke komentuar deklaratat e Berishës për një rikthim të mundshën në krye të PD, Kadilli tha se një gjë e tillë nuk ka për të ndodhur.
Ndër të tjera, Kadilli e ka quajtur cinike deklaratën e Bashës i cili pas rizgjedhjes në krye të partisë, u shtriu dorën për bashkëpunim 3 kandidatëve që e sfiduan më 13 qershor.
Fatbardh Kadilli: ”Nuk besoj se Berisha do kthehet, Berisha e di vetë që sdo kthehet po të donte kishte qëndruar por dhe ishte kthyer. Berisha është natyre sfidante dhe sa të jetë, do jetë në luftë nuk është njeri që kalon në qetësi dhe në paqe. Kam bindje se nuk ka çfarë t’i propozojë më PD as ai as Basha. Kam respekt për punën që ka bërë më parë.
Nuk ka një shtrirje dore në kuptimin pse përdoret. Se di pse është lexuar si shtrirje dore, ka pasur deklaratë cinike nga ana e Bashës. Nuk pres ftesa për të qenë kundër Ramës. Do jem brenda partisë, do luftoj Ramën ska nevojë të më ftojë njeri për kete.Unë do bëj çmos që manifesti politik të përthithet nga ço anëtar. Unë e kam prezantuar manifestin. Menaxhon pushtet por nuk ka politikë, aksion pulitik, por vetëm pushtet të kryetarit. Nëse e duam jetën publike dhe të marrim angazhim duhet një shesh i hapur”.
