E premte, 23 Korrik, 2021
23.5 C
Tirana

Biden dhe ligjvënësit, përballë kërcënimit të ekstremizimit të brendshëm

Këtë javë administrata e Presidentit Biden shpalli një strategjinë e re për të përballuar kërcënimin në rritje, siç theksohet në të, që vjen nga ekstremistët e brendshëm të dhunshëm. Paralajmërimi vjen ndërsa ligjvënësit amerikanë vazhdojnë të hetojnë sulmin e 6 janarit në Kongres nga mbështetësit e ish-Presidentit Donald Trump që kërkonin të ndërprisnin çertifikimin e rezultatit të zgjedhjeve, që do të konfirmonin fitoren e demokratit Joe Biden.

Pesë muaj pas sulmit në Kapitol, administrata e Presidentit Biden nxorri një strategji për t’iu kundërvënë kërcënimit nga ekstremizmi i brendshëm.

“Sipas këndvështrimit të FBI-së, kërcënimi kryesor vjen nga ekstremistët e dhunshëm të motivuar në baza racore ose etnike, veçanërisht ata që duan të ruajnë epërsinë e racës së bardhë”, tha Prokurori i Përgjithshëm i Shteteve të Bashkuara, Merrick Garaland.

Ai tha se askush në Shtetet e Bashkuara nuk do të ndiqet penalisht për pikëpamjet e tyre jo të dhunshme politike.

“Nuk ka vend për dhunë si një mjet për të zgjidhur dallimet politike në demokracinë tonë. Çështjet afatgjata që kontribuan në terrorizmin e brendshëm në Amerikë duhet të zgjidhen për t’u siguruar që ky kërcënim do të zvogëlohet për brezat e ardhshëm dhe për të zbutur shkaqet rrënjësore të sulmeve të brendshme terroriste”, shtoi ai.

Më shumë se 500 persona janë arrestuar për pjesëmarrje në sulmin e 6 janarit. Demokratët thonë se protestuesit u motivuan nga pretendimet e rreme të ish-Presidentit Trump për mashtrime në zgjedhje.

“Pas dështimit të përpjekjeve të tij për të bërë presion në Departamentin e Drejtësisë, Presidenti Trump u bë edhe më i dëshpëruar. Kështu që, në mëngjesin e 6 janarit, ai dërgoi një turmë të zemëruar dhe të dhunshme në Kapitol. Qëllimi ishte përdorimi i dhunës për të ndërprerëçertifikimin nga Kongresi të fitores së zotit Biden”, tha ligjvënësja demokrate Carolyn Maloney.

Lexo edhe :   SHBA/ Sulmuesi realizon euro gol nga mesfusha (Video)

Kreu i FBI-së e pranoi para ligjvënësve këtë javë se agjencia e tij nuk kishte arritur ta parashikonte sulmin.

“Qëllimi ynë është të jemi të saktë në parashikimet tona, dhe çdo herë që ka një sulm, veçanërisht një sulm aq të tmerrshëm dhe spektakolar si ai që ndodhi më 6 janar, ne e konsiderojmë atë të papranueshme”, tha Drejtori i FBI-së, Christopher Wray.

Një raport i Senatit, i publikuar në fillim të këtij muaji, gjeti dështime të shumta të agjencive të inteligjencës dhe sigurisë në angazhimin e tyre në kohën para se të ndodhte sulmit.

Lexo edhe :   Varianti Delta dyfishon rastet me koronavirus në ShBA

“Tre njësi të lidhura me inteligjencën brenda policisë së Kapitolit kishin njohuri për postimet në mediat sociale, që bënin thirrje për dhunë në Kapitol, por raporti i plotë i këtyre paralajmërimeve nuk arriti tek udhëheqja e Policisë së Kapitolit, oficerët me gradë të lartë dhe partnerët e tjerë të forcave të zbatimit të ligjit. Kishte gjithashtu raporte kontradiktore mbi kërcënimin”, tha senatorja demokrate Amy Klobuchar.

Ndërsa disa komisione të Senatit vazhdojnë punën për reformimin e Policisë së Kapitolit pas sulmit të 6 janarit, Republikanët në Senat bllokuan përpjekjen e demokratëve muajin e kaluar për të formuar një komision të gjerë për të hetuar ngjarjet e asaj dite.

- Reklama -

Më shumë nga kategoria




Të fundit

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Gjyqtari...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...

SHBA/ Sulmuesi realizon euro gol nga mesfusha (Video)

Në ndeshjen midis Karolinës së Veriut me Riçmond Kikers e përfunduar me rezultatin 4-0 për skuadrën vendase, është realizuar një supergol nga gjysmëfusha. Sulmuesi Robert...

A do të lëkunden raportet turko-serbe pas deklaratës së Erdogan për Kosovën?

“Në qoftë se kushdo sjell vendim për njohjen e Kosovës si të pavarur, në të njëjtin moment ne do të nisim fushatën për tërheqjen...

Çfarë e bën ndryshe lidershipin e mandatit të tretë të PS

Nga Alfred Peza Edi Rama kishte premtuar që në fushatën elektorale të zgjedhjeve të 23 Qershorit 2013, që e riktheu PS në pushtet, se nuk...