Ka përfunduar ndeshja midis Danimarkës dhe Belgjikës, e zhvilluar në Kopenhagen. Belgjika ka arritur të triumfojë me përmbysje ndaj danezëve, të cilët zhvilluan një pjesë të parë shumë të mirë, dhe kaluan në avantazh që në minutën e dytë të takimit, me Poulsen.
Në minutën e 11-të të takimit, ndeshja u ndërpre për të nderuar futbollistin danez Kristian Eriksen, i cili në të njëjtën minutë por të ndeshjes së parë ndaj Finlandës, pësoi një atak kardiak duke tronditur botën e futbollit. Të gjithë të pranishmit, duartrokitën për mesfushorin, i cili aktualisht është duke marrë trajtim në spital.
Pjesa e dytë filloi me revansh për belgët, të cilët realizuan dy herë në portën e mbrojtur nga Pieter Schimel. Në minutën e 55-të, ishte mesfushori Thorgan Hazard i cili dërgoi topin në rrjetë, pas një asisti nga Kevin de Bruyne.
Për të vulosur fitoren në këtë ndeshje, mendoi pikërisht de Bruyne, i cili u asistua nga Eden Hazard. Pas Italisë, Belgjika bëhet skuadra e dytë që kalon në raundin tjetër, të 1/8.
