Shkëlzen Berisha ka reaguar pas akuzave të bëra nga këngëtarja Rezarta Shkurta, bashkëshorte e Ermal Hoxhës, se djali i ish-kryeministrit nuk bëri asnjë ditë burg edhe pse vrau qindra fëmijë në shpërthimin e Gërdecit.
“Përplasja” ka nisur për shkak të një fotoje postuar nga Berisha, ku shkruhej se Ermal Hoxha bëri vetëm 3 vjet burg për 20 kg kokainë, ndërsa kryefamiljari në skamje bën 5 vjet burg, pasi nuk ka mundësi të paguajë energjinë elektrike.
Këngëtarja Rezarta Shkurta iu përgjigj kësaj akuze të Berishës, ku etiketohej burri i saj, Ermal Hoxha. Shkurta i sugjeronte Berishës që të mos merret me nipin e Enverit, por me djalin e tij, që sipas saj ka vrarë qindra fëmijë në Gërdec, dhe nuk ka bërë një ditë burg.
‘Mos u merr me nipin e atij që i ke hequr kallot e këmbëve, por merru me djalin tënd Zeni Berisha që vrau qindra fëmijë në shpërthimin e Gërdecit, dhe s’bëri asnjë ditë burg’.
Sot, Shkëlzen Berisha, me anë të një postimi lë të kuptohet se do të ngrejë padi ndaj këngëtares, pas deklaratës së saj.
