Opinionisti Artur Zheji, si rrallë herë ka ndarë me publikun disa detaje lidhur me miqësinë me Ramën, e më tej qefmbetjet që çuan në prishjen e këtij raporti. I ftuar në emisionin “Dola te Ola”, Artur Zheji teksa u kthye pas në kohë, foli për një miqësi me kryeministrin Rama, por rrugët e tyre u ndanë.
Arsyeja se pse ata nuk gëzojnë më miqësi me njëri-tjetrin, sipas Zhejit, lidhet me faktin se Rama i ka thënë fjalë shumë të rënda.
“Ka vuajtur shumë, pasi Parisi është i pamëshirshëm për artistët. Rama ka kaluar momente shumë më të këqija se sa ai vetë thotë, por të vuash në Paris është dinjitoze për një artist. Ka thënë shumë gjëra të rënda për mua. Tha se Zheji ka mbiemër të madh, po s’ka mundur ta mbajë mbi supe. Vetëm për gjenialitetin që ai ka si artist shqiptar, Rama duhet të ishte sjellë pak më bujar me mua”, u shpreh Zheji.
