Cristiano Ronaldo u detyrua të lëri që në pjesën e parë ndeshjen mes Portugalisë dhe Serbisë pas një dëmtimi që pësoi në pulpë. Menjëherë pas ndeshjes ai ka kryer një rezonancë për të përcaktuar edhe shkallën e dëmtimit.
Rezultati i buletinit mjekësor i publikuar nga Juventus tregon se portugezi vuan nga një tërheqje e lehtë muskulorë në kofshën e djathtë. Nuk është përcaktuar ende një datë fikse për rikthimin e tij, sepse gjendja do të monitorohet ditë pas dite.
Il bollettino medico sulle condizioni di @Cristiano
➡️ https://t.co/fQ2WkfTXD2 pic.twitter.com/sCA6L8RpUN— JuventusFC (@juventusfc) March 26, 2019
Gjithsesi “Sky Sport” bën me dije se 34-vjeçari do të qëndrojë detyrimisht pushim për dy ndeshjet e Serie A, atë ndaj Empoli dhe ndaj Cagliari. Ndërkohë që më 6 prill është sfida me Milan, që është në dyshim sipas medies italiane, por me të gjitha gjasat edhe për këtë ndeshje Ronaldo do të qëndrojë pushim, me synimin për të qenë 100% gati për sfidën me Ajax, më 10 prill, e vlefshme për çerekfinalet e Champions League.
Vetë CR7 i kishte qetësuar të gjithë duke thënë: “Kthehem pas dy javësh”. Kështu, në kohë për sfidën e Champions kundër Ajax.
