Drejtuesit e policisë kanë pezulluar sot efektiven e ‘Shqiponjave’, Blerta Dervishi , pasi u vu në mbrojtje të shtëpisë së saj. Ajo u filmua një ditë më parë teksa rezistonte ndaj kolegëve të saj, të cilët i kishin shkuar në banesë për të mbështetur Përmbarimin, që kishte shkuar për t’i nxjerrë jashtë.
Edhe pse Dervishi ndikoi në shmangien e përplasjes së banorëve me policët, sërish drejtuesit e uniformave blu e kanë pezulluar. Kjo situatë kaotike duket se i ka prekur edhe qytetarët.
Ata kanë shpërthyer ndaj kryeministrit Rama, ku nuk mungojnë sharjet e mallkimet. Por Rama e ka parë të udhës që ti kthejë përgjigje, duke ia argumentuar. Duke i cilësuar mediat sërish ‘kazanë’, Rama është i mendimit se gjithçka përcillet, por ama jo e vërteta. Në këtë situatë, sipas tij, Bashkia dhe Qeveria nuk kanë lidhje.
