Banorët e Unazës së Re janë përplasur sot me forcat e IKMT, të cilat kishin shkuar në zonë për t’u bërë thirrje banorëve që të dalin nga banesat e tyre.
Me anë të një reagimi në Facebook, banorët kanë apeluar për mbështetje nga ambasadat, pasi pretendojnë se jeta e tyre është në rrezik.
Banorët, mjaft të tensionuar për çfarë ka ndodhur, i kanë çuar edhe një mesazh qeverisë.
Mjaft të qartë me ultimatumin e tyre, premtojnë viktima nga personat që do të dërgojnë për të prishur banesat e tyre.
Statusi
“Ne jemi në rrezik për jetën, thirrje ambasadave. Thirrje Amerikës, po na kanosin në shtëpitë tona. Ne e kemi thënë 1000 herë; o do merrni kufoma o do na boni kufoma. Doni luftë ju kopila arrogantë, luftë do keni. Mobilizim banorë, ato po përgatiten të vijnë të na marrin nëpër shtëpitë. Ju e dini si duhet te veprojmë tek pragu shtëpisë tonë. Nuk lejojmë njeri. Mjaft me dhunë dhe terror. E theksoj, asnjë tolerim tek pragu shtepisë”.
