Mbrëmjen e sotme, pritet që Jonida Maliqi të performojë në gjysmëfinalen e dytë të edicionit të 64 të Eurovizionit, i cili mbahet në Tel Aviv, Izrael.
Ajo do këndojë shqip këngën e saj “Ktheju Tokës” me të cilën pret të kualifikohet për në finalen e madhe. Kjo këngë u kushtohet të gjithë emigrantëve shqiptarë nëpër botë, të cilët mund të japin kontributin e tyre duke votuar numrin #14.
Jonida Maliqi do të jetë e 14-a në radhë, dhe nga 41 vende që konkurrojnë, vetëm 26 do arrijnë të shkojnë në finalen e së shtunës që mbahet më 18 maj.
Kujtojmë se juria shqiptare përbëhet nga Anxhela Peristeri, Eranda Libohova, Dilan Reka, Julka Gramo dhe Gent Rushi.
Vlen të theksohet fakti se votat nuk vlejnë nga shqiptarët brenda kufijve të Shqipërisë. Vetëm emigrantët që ndodhen në vendet fqinje dhe adhuruesit e këngës mund të votojnë Jonida Maliqin sonte.
