Kreu i demokratëve, Lulzim Basha u shpreh i prerë se zgjedhje lokale në 30 qershor nuk do të ketë. Opozita e bashkuar ka dorëzuar mandatet e deputetit dhe prej vazhdon të organizojë protesta për të rrëzuar qeverinë Rama, duke e akuzuar se ka vjedhur zgjedhjet e 2017-ësh dhe se është e kapur nga krimi.
“Data e zgjedhjeve lokale do të shtyhet. Zgjedhje me 30 qershor nuk ka për të pasur. Sepse Shqipëria nuk është një humbëtirë e Afrikës… Pa u ndëshkuar krimi elektoral as që mund të mendohet që të garanytohet një proces zgjedhor. Zgjedhje falso nuk do të ketë”, u shpreh Basha.
Kryedemokrati përgënjeshtroi zërat që thonë se ai jeton në Holandë, ai tha se jeton në Shqipëri dhe se vajzat e tij shkollohen këtu.
“Vajzat e mia janë këtu. Shkojnë në shkollë këtu. Turp për ata gazetarë dhe politikanë që thonë se unë jetoj në Holandë. Ka media që janë pjesë e problemit dhe kanë zgjedhur që të sakrifikojnë interesin publik për të pasuruar vetën dhe pronarët e tyre”, shtoi Basha.
