Më herët, në mediat rozë u përhap lajmi se moderatori Florian Agalliu do i jepte lamtumirën “Top Channel”. Ajo çfarë përflitej lidhej me një sherr që kishte patur me Ben Blushin, aq sa ai vendosi të merrte këtë vendim.
I ftuar mbrëmjen e djeshme në “Late Night Show”, Flori e konfirmoi këtë, duke u shprehur se ai nuk lejon t’i cënohet dinjiteti. Ai tha se ishte agravuar situata me drejtorin e përgjithshëm të këtij televizioni, Ben Blushi, ndaj preferoi që ti shkëpuste marrëdhëniet.
“Nuk e kam folur fare këtë pjesë në media. Por meqë po më jepet rasti, po ta them çfarë ka ndodhur. Unë kam vendosur që të jetoj me dinjitet. Në momentin që më cënohet dinjiteti përsa i përket marrëdhënieve në punë, dal nga vetja. U agravua situata, dhe unë preferova t’i shkëpus marrëdhëniet, se sa të vazhdoj të jetoj duke punuar me të njëjtat intonacione të përditshme”, u shpreh moderatori.
