Tragjedia e “21 Janarit” ka shkaktuar përplasje mes avokatit Spartak Ngjela dhe gazetares Klodiana Lala, në emisionin “Real Story”, në News24. Ishte gazetari Xhevair Zhabina, që tha se Ngjela ka qenë organizator i “21 janarit”. Kaq ka mjaftuar që të nisin debatet në studio, teksa gazetarja Lala ka kërkuar me ngulm përgjigje nga avokati, nëse një gjë e tillë është e vërtetë.
Madje ajo i tha se do të jetë i hetuar nëse hapet dosja. Por Ngjela nuk ka qëndruar në heshtje, por ia ka kthyer një përgjigje. Ai deklaroi se vrasja është krim. Në debat e sipër, duket se gjakrat janë nxehur shumë, aq sa ka shpërthyer edhe avokati Spartak Ngjela, duke e cilësuar si një klloune gazetaren.
Pjesë nga debati:
Xhevair Zhabina: Ju keni qenë organizatori i “21 janarit”, keni dhënë idenë …
Ngjela: Çfarë organizatori?
Lala: Do të jeni i hetuar, nëse hapet dosja.
Ngjela: Vrasja është krimi zonjë.
Lala: Po edhe organizatorët.
Ngjela: Organizatorë quhen të paligjshmet.
Lala: Duhet të japin llogari të gjithë. Ju e pranuat publikisht që keni qenë ideator.
Ngjela: Pse, je gazetare, apo klloune?
Lala: Tërhiqe.
Ngjela: Jo, nuk e tërheq, por më dëgjo me vëmendje.
Lala: Më fyet.
Ngjela: Kllouni nuk është fyerje, por status.
