Aktualitet

Ambasada amerikane në Irak nuk gjen qetësi/ Tjetër sulm me raketa, detaje


               Publikuar në : 08:47 - 22/01/20 Gentjan Progni

Një tjetër sulm është regjistruar mbrëmjen e djeshme ndaj Ambasadës Amerikane në Bagdad. Mësohet se tri raketa goditën Zonën e Gjelbër në Bagdad, ku ndodhen shumë ndërtesa qeveritare dhe misione të huaja.

Raketat u lëshuan nga rrethi Zafaraniyah, jashtë kryeqytetit irakian, ndërkaq dy predha ranë pranë Ambasadës së SHBA-së, thanë burime të policisë irakiane për Reuters.

Sipas mediave ndërkombëtare, deri tani nuk raportohen të plagosur por vetëm dëme materiale. Ky incident mendohet të ketë lidhje me rifillimin e protestave antiqeveritare në Irak, gjatë të cilave gjashtë irakianë, përfshirë dy oficerë policie, u vranë dhe dhjetëra u plagosën, në Bagdad dhe qytete të tjera.

Protestuesit në Irakun e jugut dogjën goma dhe bllokuan rrugët kryesore në disa qytete, duke thënë se kryeministri i Irakut, Adel Abdul Mahdi nuk i ka mbajtur premtimet, përfshirë emërimin e një qeverie të re të pranueshme për irakianët.

 


Kthehu
WhatsApp Denonco ne TT