Kryeministri Rama, në jo pak raste ka konflikte me qytetarët, të cilët shpërthejnë me një mori sharjesh dhe mallkimesh. Por duket se Rama çdo gjë e merr me sportivitet, madje shpesh ua kthen përmes batutave. Shqetësimi i shqiptarëve mbetet izolimi, madje shpesh bëjnë krahasime me vendet e tjera.
Por Rama nuk ka rezerva në këtë drejtim, duke ua kthyer me të njëjtën monedhë. Hera-herës edhe tallet. Dje ai njoftoi se nga 1 qershori do të kemi hapjen e kufijve tokësorë me shtetet fqinje, ndërsa nga 10 qershori plazhi do të jetë i hapur për të gjithë.
Gjatë kësaj jave që vjen, masat do të vijojnë siç janë, ku qarkullimi i mjeteve dhe qytetarëve do të vijojë nga ora 05:00 deri në orën 21:00 në zonat e kuqe, ndërsa në zonat e gjelbra nuk ka më asnjë lloj kufizimi orari.
