Ministri i Brendshëm, Sandër Lleshaj është pritur me protesta gjatë vizitës së tij në Durrës.
Teksa mbërriti në universitetin “Aleksandër Moisiu”, Lleshaj ka kaluar një moment të sikletshëm, pasi është përballur me disa të rinj që i kanë kërkuar llogari.
Ata e pritën ministrin me thirrjet “Turp, turp, turp”, ndërsa Lleshaj ka ndaluar për të folur me ta. Por, ai është përballur me një indinjatë të studentëve, të cilët e kanë akuzuar ministrin se i ka helmuar.
Lleshaj: Çfarë do doje prej meje?
Studenti: Për çfarë keni ardhur këtu? Ju nuk ju takon me ardh në asnjë vend të Shqipërisë. Ju jeni qeveri ilegjitime. Vini këtu dhe e marrim vesh një orë më parë se po vjen ministri. Sikur është duke ardhur shërbimi sekret.
Lleshaj: Ju e caktoni ku hyj unë e ku nuk hyj unë?
Studenti: Nuk e caktojmë ne, ne duhet ta dimë.
Lleshaj: Kush jeni ju?
Studenti: Unë jam Ndrec Pjetraj qytetar i këtij vendi që ti më kë helmuar mua. Je ministri i Brendshëm, na ke helmuar me gaz.
Lleshaj: Nëse do të vish të komunikosh hajde komuniko mos fol kështu.
Studenti: Kemi komunikuar aty në shesh me lëndë kimike. Po sot çfarë do bëni, hë na thoni? Kush janë masat që do merrni? Do më arrestojnë këta shoqëruesit tuaj? Turp t’ju vijë!
Lleshaj: S’kam ardhur për këtë punë.
Pas incidentit, Lleshaj ka preferuar të mos përgjigjet më tej duke u larguar, i rrethuar nga truprojat.
Ndiqni videon dhe reagimin e ministrit, kur pritet me protesta:
