Ka mjaft kohë për të shënuar datat diku, në mënyrë që të mos humbni 4 herët ku Superhënat, do të ndriçojnë qiellin në vitin 2021.
Superhënat ndodhin kur një Hënë e plotë është në pikën më të afërt me Tokën.
Kjo do të thotë se ato duken shumë të mëdha dhe të ndritshme në qiell, dhe kjo gjithashtu mund të jetë një rast i shkëlqyer për fotografët për të kapur imazhe të mahnitshme të Hënës.
Superhëna e parë e vitit 2021 do të ndodhë më 28 mars.
Tjetra do të jetë në 27 Prill dhe quhet një Superhëna Rozë, përsëri për shkak të kohës së vitit dhe jo prej ngjyrës së vetë Hënës.
Më vonë më 26 maj pritet Superhëna Lule.
Superhëna e fundit e vitit 2021 do të ndodhë më 24 qershor, dhe do të jetë një Superhënë Luleshtrydhe.
Hënat e plota marrin nofka të ndryshme, dhe ato shpesh ju vihen sipas asaj që fermerët do t’i referoheshin Hënës në një periudhë të caktuar të vitit.
“Lindja dhe perëndimi” i hënës thuhet se janë periudhat më të mira për të parë një Superhënë.
Po kur ndodh një Supërhënë?
Hënat e Plota ndodhin kur Hëna është në anën e kundërt të Tokës me Diellin.
Kjo bën që sipërfaqja hënore të ndriçohet plotësisht.
Një Superhënë ndodh kur një Hënë e plotë arrin në perigje, e cila është pika në orbitën e Hënës kur është më afër Tokës.
E kundërta e perigjeit është apogjeu, dhe kur Hëna të arrijë këtë pikë do të duket shumë më e vogël se zakonisht.
Superhënat thuhet se duken 14% më të mëdha dhe 30% më të ndritshme se zakonisht.
Në vitin 1979, Richard Nolle përcaktoi për herë të parë Superhënën, e cila tani është një term i përdorur gjerësisht.
Astrologu shpjegoi se fenomeni është “një Hënë e re ose e plotë e cila ndodh me Hënën afër (brenda 90%) të afrimit të saj më të afërt me Tokën në një orbitë të caktuar”.
Bazuar në teorinë e Nolle, Hëna duhet të jetë rreth 226,000 milje larg Tokës për t’u konsideruar “super”.
Për shkak të afërsisë relativisht të afërt me Tokën, sipërfaqja e trupit qiellor duket shumë më e madhe kur ndodh një Superhënë.
Burimi i lajmit: https://www.thesun.co.uk/tech/13652168/super-moon-2021-dates/
Përshtatur nga TIRANA TODAY
